Prve vedre dane u novoj godini odlučili smo da obilježimo aktivnostima van prostorija naše ustanove. Drugari iz NVO “Pružite nam šansu” su nas ugostili u svom radnom prostoru gdje smo realizovali jednu zajedničku radionicu socijalnih vještina na temu: “predstavljam sebe i upoznajem druge”. Korisnici ustanove i udruženja bili su jako zadovoljni i motivisani u ovom zajedničkom poduhvatu, a posebno se zahvaljujemo ekipi na domaćinskom gostoprimstvu i lijepom druženju.

Lijepo vrijeme krajem januara omogućilo nam je da napravimo prvi ovogodišnji piknik u obližnjem parku. Zdravi sunčevi zraci, umjerena šetnja i svjež vazduh su posle zime itekako odgovarali našim korisnicima.